KARNA TANDHING

           

Sesampunipun Begawan Drona gugur, Prabu Duryudana njumenengaken Prabu Karna dados senapati agung. Prabu Karna ngagem kereta pusaka Jatisura kusiripun Prabu Salya. Prabu Karna nyuwun marang Prabu Salya supados mangke nalika peperangan boten ngganggu punapa kemawon ingkang dipuntindakaken. Sesampunipun sarujuk, kanthi senapati pangapit Raden jayadrata lan Raden Durta, pasukan saking Ngawangga lan Bulupitu pinuju ing Kuruseta. Ing peperangan menika, Jayarata gugur dening Setyaki lan Drona gugur dening Dewi Srikandi.

            Sanjaya putra Yamawidura kapengin gabung ing pihak Pandawa. Sanjaya lajeng dipun uji kasetyanipun dening Dewi Srikandi kangge ngadepi Prabu Karna. Nanging Raden Sanjaya gugur dening Prabu Karan. Prabu Karna damel isin Dewi Srikandi kanthi gawe gelungipun rantas kena panah Prabu Karna. Kedadean menika gawe Dewi Srikandi mundur saking peperanagan.

            Saking nasehat Prabu Kresna, Arjuna dados senapati kangge ngadepi Prabu Karna. Kanthi numpak Kereta Jaladara kusiripun Prabu Kresna Arjuna maju ing peperangan. Prabu Hardawalika owah wujudipun dados raksasa amargi badhe paring piwales marang Arjuna. Nanging penyamaranipun dipun mangertosi dening Prabu kresna lan Prabu Hardawalika gugur kena panah Arjuna, Pasopati.

            Prabu Karna ingkang mangertos Arjuna lajeng ngeculaken panah pusaka Badal Tulak ing arah gulunipun Arjuna. Prabu Kresna lajeng ngentak kereta Jaladra lan panahipun namung ngenani rambut Arjuna. Arjuna lajeng diparingi rasukan kados rasukanipun Prabu Karna, kanthi memper kaliyan Prabu Karna.

Kapetik saka : Katalog Festival Dalang Dulongmas III