DIRASANI ORA RUMANGSA

DIRASANI ORA RUMANGSA

S.H. PUROSO

            Dinten minggu wanci enjang, kutha Surakarta sampun ketingal reja. Wonten ing kampung Danukusuman, ing sawijining omah kagunganipun Bu Sastraprawita ketingal kenya saweg tenguk-tenguk nglangut angen-angenipun. Jeneng kenya wau yaiku Nur Indrati keponakanipun Bu Sastraprawita saking Sragen. Piyambakipun saweg menggalih bab layangipun Warsat ingkang keri wonten Sragen.

            Saking bangete anggenipun ngudarasa ngantos boten sumerep menawa kancane yaiku swastini sampun ngantos ngajenge. Lajeng Nur Indrati ngandharaken cariyosipun bab layang wau. Swastini maringi pamanggih menawi layang menika boten usah dipun-wangsuli. Nanging Nur Indrati nyelani menawi piyambakipun ingkang sampun dipun-pacangaken kaliyan Mas Kamdana, ajrih menawi layang wau dipun-sumurupi dening Mas Kamdana. Swastini maringi pamanggih malih, menawi ingkang sae kangge nyingkirake bebaya, uga ngiras-pantes alal-bihalalan menyang Kranggan Kertasura.

            Banjur kenya kekalih wau golek bis Jurusan Semarang, lajeng budhal. Nembe mawon bis ingkang dipun-tumpaki dening Nur Indrati mungkur, dhateng bis ingkang dipun-tumpaki dening Kamdana saking Sragen. Lajeng Kamdana ngener wonten ing kampung patang-puluhan menyang salah sawijining kancane yaiku Subanu.

            Ing griyanipun Subanu dangu-dangu saking rembugan menika, Kamdana nyuwun pirsa dhumateng Subanu babagan Warsat. Subanu ingkang sampun tepung kaliyan Warsat menika ngandharaken watakipun Warsat. Lajeng saking cariyosipun Subanu wau Kamdana maringi dudutan menawi Warsat menika tiyang ingkang asor budhine. Cariyosipun Subanu mekaten wau dadosaken Kamdana boten betah wonten mriku. Lajeng enggal-enggal nyuwun pamit dhumateng Subanu.

            Saking griyanipun Subanu, Kamdana ngepit menyang Sriwedari. Wonten ing loketan Kamdana milang-miling mbokmenawa Nur Indrati ketingal wonten mriku. Bareng cetha boten wonten, Kamdana lajeng tumbas karcis lan mlebet taman Sriwedari.