ASAL - USUL DESA BALAMOA

ASAL - USUL DESA BALAMOA, KECAMATAN PANGKAH, KABUPATEN TEGAL

 

Nalika jaman biyen ing salah sijine kerajaan yaiku kerajaan Pajang, ana rajane jeneng Sultan Hadi Wijaya nduweni anak jenenge Pangeran Benowo. Awit cilik Pangeran Benowo wis pikantuk ajaran Islam saka Sunan Kudus lan Sunan Kalijaga. Mula kuwi dheweke nduweni sipat luhur lan becik.

            Sawise dijumenengaken dadi putra mahkota, Pangeran Benowo sipate bedha. Dheweke asring mendel awit saka gelar sing disandhange. Pangeran Benowo urip bebas ing njaba kerajaan senenge, mula kuwi dheweke metu saka kerajaan arep ngulandara. Sultan Hadi Wijaya ora nyangka yen anake bakal nglakoni kuwi. Lajeng Sultan Hadi Wijaya ngutus para prajurit goleki Pangeran Benowo.

            Kanggo ngapusi para prajurit, Pangeran Benowo ganthi jeneng dadi Ki Benawi lan gawe crita palsu yen dheweke kuwi wis mati. Kuwi sing ndadikake makame Pangeran Benowo luwih saka siji. Cerita cekake, Pangeran Benowo ngulandara kanthi tekan papan sing ana aki-aki lan nini-nini jenenge Mbah Jinten lan Nyai Jinten. Amarga daerah iku akeh wit jinten.

            Suwe-suwe Pangeran Benowo krasan lan urip karo Mbah lan Nyai Jinten. Lajeng Pangeran Benowo diangkat dadi anake, Mbah lan Nyai Jinten ora ngerti yen Pangeran Benowo kuwi putra mahkota saka kerajaan Pajang. Pangeran Benowo lajeng ngucapaken tembung “Balamawa” tegese iki papan sing aku karepaken. Saka tembung iku panggonan kuwi dijenengi “Balamoa”. Ora lali Pangeran Benowo lan Mbah Jinten nyebaraken agama Islam ing daerah Balamoa.

            Pangeran Benowo tilar donya taun 1684 lan dikubur ing desa Balamoa ing jejere makam Nyai Jinten. Kanthi jaman saiki makam Pangeran Benowo lan Nyai Jinten esih rame ditekani dening warga sekitar. Saben Muludan ing sekitar makam dianakake pengajian lan adicara ngresiki pusaka-pusaka.