Gurit Bocah Pinggir Kali
Wis kokcipta kraton emas nganggo
pang-pang garing
perangan mbaka perangan sinusun banget
antik
coba delengen, endi sing kurang sampurna
kandhamu marang angin,
kori modhel plengkung mesjid demak
cakrik sinuwun kraton pajang dhuwure
O, dhuwure samecrit menara kudus
banjur kowe ngentha pepajangan mawi
reroncen kembang
kandhamu kanggo mahargya praptane putri
ayu
sapa ngerti kober ninggali salembar esem
kenangan
kanggo pawitan ndhedher winih
saplinthi rasa warisane jaka tarub
Ambal Kebumen, Maret 1992
(Panjebar Semangat, No. 17 – Tanggal 24 April 1993)
Tidak ada komentar:
Posting Komentar